کراچی: پولیس نے وفاداری کاحلف لےکربھرتی ہونےوالےاہلکاروں سےدوبارہ حلف لینےکافیصلہ کیاہے ۔ اس سلسلے میں مرحلہ وار تمام تھانوں کو حلف نامے جاری کیے جائیں گے۔
تفصیلات کے مطابق پولیس افسران کےمنظم جرائم کی سرپرستی میں ملوث ہونےپرنئی حکمت عملی تیار کر لی گئی ہے۔ کراچی پولیس نےتھانیداروں سےحلف نامےلیناشروع کردیے ہیں۔
پہلےمرحلے میں ایس ایس پی فیصل چاچڑ نےتھانیداروں کوحلف نامےجاری کیے ہیں جن سے گٹکا، منشیات، چائناکٹنگ، زمین پرقبضےمیں ملوث نہ ہونےکاعہدلیاجارہاہے۔
ایس ایس پی فیصل چاچڑ نے اپنے ماتحت ایس ایچ اوز کو ہدایت دی ہے کہ وہ لکھ کردیں کہ کسی غیرقانون کام کا حصہ نہیں ہیں، غیرقانونی کام کی صورت میں متعلقہ ایس ایچ او ذمہ دارہوگا۔
ایس ایس پی نے متنبہ کیاہے کہ اگر کوئی افسرجرائم میں ملوث پایاگیاتونوکری سےفارغ کردیا جائے گا اور سرکاری ونجی سطح پربیٹررکھنےوالےتھانیداروں کےخلاف بھی کارروائی ہو گی۔
یہ بھی پڑھیں: نئےکراچی پولیس چیف کا پولیس کی کالی بھیڑوں کیخلاف پہلا حکم
یاد رہے کہ کراچی پولیس چیف غلام نبی میمن نے پولیس کی کالی بھیڑوں کی فہرست تیار کرنے کاحکم دیا تھا اور ہدایت کی تھی تمام متعلقہ افسران فوری طور پر فہرست بنا کر ارسال کریں۔
کراچی پولیس چیف کی جانب سے ایسٹ،ویسٹ اورساؤتھ زون کےڈی آئی جیزکو خط لکھاگیا تھا جبکہ ڈی آئی جی سی آئی اے،ایس ایس پی محافظ فورس کوبھی خط ارسال کیا گیا۔خط میں ہدایت کی ہے کہ تمام متعلقہ افسران فوری طورپرفہرست بناکرارسال کریں۔
واضح رہے کہ ایڈیشنل انسپکٹر جنرل (آئی جی) کراچی ڈاکٹر امیر شیخ کو ان کے عہدے سے ہٹا کر غلام نبی میمن کو کراچی پولیس چیف تعینات کیا گیا تھا۔
